Calvo: "El presupuestu afita la meyor conectividá de la historia d'Asturies"

PP y VOX califiquen el presupuestu de Fomentu de continuista y critiquen la falta de inversión

El conseyeru de Fomentu, Cooperación Local y Prevención d’Incendios, Alejandro Calvo, caltuvo esti xueves que’l presupuestu del so departamentu, que medra a 291.027.028 euros, va dexar afitar "la meyor conectividá de la historia d’Asturies" y reforzar l’apuesta del Principáu por un tresporte públicu de calidá y accesible pa tola ciudadanía.

Asina lo afirmó’l conseyeru na Comisión de Facienda y Fondos Europeos del parllamentu autonómicu, onde foi pa esplicar el proyectu del so departamentu pal añu viniente, con especial procuru al fomentu del tresporte nel Principáu.

Al respective, una de les apuestes del Principáu ye l’ampliación de los servicios ufiertaos pola plataforma Conecta, que superó los 40 millones de viaxes fechos, daqué que’l conseyeru calificó de "espectacular y impensable" va unos años.